કોરોનાના કહેરથી દેશમાં મરતા લોકો વચ્ચે પ્રધાનમંત્રીને જન્મદિવસની શુભકામના પાઠવી કેવી રીતે ??

17 સપ્ટેમ્બર 2020ના દિવસે પ્રધાનમંત્રી નરેન્દ્ર મોદીનો 70 માં વર્ષમાં પ્રવેશ કર્યો છે. ત્યારે વડાપ્રધાન હંમેશા 70 વર્ષની ચર્ચા કરતા હોય છે કે 70 વર્ષમાં બીજી સરકારોએ શુ કર્યું ? પરંતુ છેલ્લા 70 વર્ષમાં અન્ય સરકાર ન કરી શકી તે સરકારે માત્ર 7 વર્ષ પૂર્ણ થાય તે પહેલાં મોદી સરકારે કરી બતાવ્યું.

નરેન્દ્ર મોદીએ દેશમાં સતા કઇ રીતે મેળવી અને કઈ રીતે પોતે કામગીરી કરી રહ્યા છે તે સૌ કોઈ જાણે છે. છેલ્લા 7 વર્ષમાં એટલે કે મોદી શાસનમાં સૌ કોઈને શિસ્તમાં એટલે કે લાઈનમાં ઉભા રહેતા શીખડાવી દીધું છે. મોદી સરકારે 2014માં સતા મેળવી દેશભરમાં પ્રથમ નિર્ણય કર્યો કે 2014નાં રોજ પ્રધાનમંત્રીએ ‘સ્વચ્છ ભારત અભિયાન’ શરૂ કર્યું હતું. અને દેશને સ્વચ્છ બનાવવા માટે સ્વચ્છતા અભિયાનમાં ફોટો પડાવવા માટે લાઈનોમાં લોકોને ઉભા રાખી દીધા. હજુ 7 વર્ષના સમયગાળામાં ગુજરાત મોડેલ સ્વચ્છ થઈ શક્યું નથી.

ત્યાર બાદ 8 નવેમ્બર 2016ના રોજ પ્રધાન મંત્રીએ ઐતિહાસિક નિર્ણય કર્યો અને નોટબંધી જાહેર કરી જેથી દેશની જનતા બેંકોની લાઈનોમાં ઉભા રહેવા માટે મજબૂર બની. 50 દિવસનો સમય માંગનારા વડાપ્રધાને દેશની જનતાને સમય ન આપ્યો અને ગરીબ અને મધ્યમ વર્ગના લોકો, ખેડૂત, વેપારીઓ, મહિલાઓ તમામને હેરાન-પરેશાન કરી નાખ્યા,

ત્યાર બાદ 1 જુલાઈ 2017ના રોજ દેશમાં GST લાગુ કર્યો અને વેપારી વર્ગને લાઈનમાં ઉભો રાખી દીધો. તેમજ GST લાગુ કર્યા બાદ વેપારીઓ કંગાળ બન્યા અને બેરોજગારીના દરોમાં પણ ઐતિહાસિક વધારો થયો. વેપારીઓ અને યુવાનો નિરાશામાં ડૂબ્યા, અને ઠેર ઠેર વેપારીઓનો માલ અટકી જતા વેપારીઓને અનેક મુશ્કેલીનો સામનો કરવો પડ્યો હતો…

મોદી સરકારના રાજમાં બેરોજદારી દર વધતા ઠેર ઠેર યુવાન પુરુષો અને મહિલાઓએ રોજગારી મેળવવા માટે ઠેર ઠેર નાના એવા ભરતીના આકડાઓમાં પણ લાંબી લાંબી લાઈનો લગાડી હતી. ત્યારે છેલ્લા 7 વર્ષમાં સૌથી વધુ બેરોજગારી પણ મોદી સરકારના રાજમાં દેખાઈ છે… 2017-18માં સાડા ત્રણ ગણાથી વધીને 17.4 ટકા સુધી બેરોજગારી પહોંચી ગઈ હતી. વર્ષ 2018માં દેશમાં 1.1 કરોડ લોકોએ પોતાની નોકરી ગૂમાવી દીધી હતી. અને ભારતમાં છેલ્લા 45 વર્ષમાં સૌથી વધુ બેરોજદારી દર પણ નોંધાયો હતો…

વર્ષ 2020માં મોદી સરકારે દેશના નાગરિકોના હિતમાં લોકડાઉન જાહેર કર્યું અને લોકોને શાકભાજી અને કારીયાણું લેવા માટે લાંબી લાઈનોમાં ઉભા રાખી દીધા . તેમજ ભારતભરના વ્યસનોએ પણ પોતાની વ્યસનની પ્યાસને બુજાવવા માટે ઠેર ઠેર લાંબી લાઈનોમાં ઉભા રાખી દીધા હતા. અને લોકડાઉનમાં ગરીબ અને મધ્યમ વર્ગના લોકોને રાશન આપવા માટે પણ સસ્તા અનાજની દુકાનદારો બહાર લાઈનો લગાડી દીધી હતી….

અને અંતે છેલ્લે લોકડાઉન પૂર્ણ થયું અને અનલોક જાહેર કરાતાની સાથે જ કોરોનાનો રાફડો ફાટ્યો, કોવિડ હોસ્પિટલોમાં દર્દીઓની લાઈનો લાગી. લોકોને લાઈનો લાગતા યોગ્ય સારવાર ન મળતા અનેક લોકો મોતને ભેટ્યા હતા. કોરોનાને કારણે અનેક લોકોના મોત થતા સ્મશાન ખાતે પણ લાઈનો લાગી છે અને મર્યા પછી પણ લાઈનો પૂર્ણ થતી નથી. ત્યારે એક બાજુ દેશમાં કોરોનાની મહામારી ચાલી રહી છે. લોકો પોતાના સ્વજનોને ગુમાવી રહ્યા છે ત્યારે વડાપ્રધાનને કઇ રીતે શુભેચ્છા પાઠવી શકું ? અને જો વડાપ્રધાન જન્મદિવસની શુભેચ્છાની આશા રાખી રહ્યા હોય અને તેમના પ્રશંસકો શુભેચ્છા પાઠવે તો તેનાથી વધારે શરમની વાત બીજી કોઈ હોઈ ન શકે….. ત્યારે હવે લોકોના મૃત્યુની પણ લાઈનો લાગી છે ત્યારે આગામી સમયમાં અન્ય લાઈનો ન લગાડે તેવી જ જન્મદિવસ નિમિત્તે આશા રાખીએ.

શું ગુજરાત કરતા રાજકોટમાં વધુ છે કોરોનાના મોત…??

ભારતભરમાં કોરોના વાઇરસ બેકાબુ બન્યો છે.લોકો ભયના નીચે જીવી રહ્યા છે.  દેશભરમાં અત્યાર સુધી 33 લાખ કરતા વધારે પોઝિટિવ કેસ નોંધાઈ ચુક્યા છે તો  60,000 કરતા વધારે લોકોના મોત થયા છે. જ્યારે ગુજરાતમાં અત્યાર સુધી 90 હજાર સુધી પોઝીટીવ કેસ પહોંચી જવા પામ્યા છે. જયારે 3,000 જેટલા લોકોના મોત થયા છે.

જ્યારે 26 ઓગસ્ટને બુધવારના એક જ દિવસના રોજ દેશમાં 60,592 પોઝિટિવ કેસ તો 980 લોકોએ પોતાની જિંદગી ગુમાવી હતી. ગુજરાતમાં એક જ દિવસમાં 1197 પોઝીટીવ કેસ તો 17 લોકોએ જીવ ગુમાવ્યો હતો તેમ તંત્ર દ્વારા જાહેર કરવામાં આવ્યું હતું.

જ્યારે સૌરાષ્ટ્રનું પાટનગર એવા રાજકોટમાં બુધવારના રોજ 23 લોકોના મોત થયા છે તેમ મીડિયાએ ચલાવ્યું હતું. જ્યારે આરોગ્ય વિભાગે રાજકોટ અને આસપાસના જિલ્લાના થઈ 20 મોત જાહેર કર્યા હતા. એટલે કે રાજકોટમાં 20 મોત અને ગુજરાતમાં 17 મોત ? આ પહેલા પણ અનેક વખત પોઝીટીવ કેસ જાહેર ન કરવા બાબતે તંત્ર સામે અનેક સવાલો ઉઠ્યા છે ત્યારે પણ નેતાઓએ અને અધિકારીઓએ મૌન ધારણ કરી લીધું હતું…..

રાજકોટમાં કોરોનાને કારણે 20 મોત જાહેર થયા જ્યારે ગુજરાતમાં 17 મોત જાહેર કરાતા વડાપ્રધાનના હોમ ટાઉન ગુજરાતમાં મોતના આંકડા છુપાવવા માટે પ્રયત્ન કરવામાં આવતો હોય તેમ સ્પષ્ટ પણે લાગી રહ્યું છે. ત્યારે સવાલ એ થાય છે કે શું મુખ્યમંત્રીનું હોમ ટાઉન રાજકોટ એ ગુજરાતમાં નથી આવતું ? અને શા માટે તંત્ર પોતાની નિષ્ફળતા છુપાવવા માટે લોકોનો ભોગ લઇને આંકડાઓ છુપાવી રહ્યા છે તેવા અનેક પ્રશ્નો ઉઠી રહ્યાં છે. ત્યારે હવે આ સંવેદનશીલ સરકારની વાતો કરી ‘રૂપાણી’ સરકાર સાચા આંકડા જાહેર કરશે કે પછી આંકડાઓની માયાજાળ વધુ ગૂંથશે…. ??? તે આગામી સમયમાં જોવું રહ્યું….

માનવતાની મહેકની કલમે

ભાજપ પ્રદેશ પ્રમુખ સી આર પાટીલ કર્યો સફાયો: મેન્ડેટનો અનાદર કરનાર 38 હોદ્દેદારોને કર્યા સસ્પેન્ડ

ભાજપના પ્રદેશ પ્રમુખ સી આર પાટીલે પક્ષવિરોધી પ્રવૃત્તિ કરનાર ભાજપના હોદેદારોને સસ્પેન્ડ કર્યા. નગરપાલિકાના પ્રમુખ અને ઉપપ્રમુખની વરણીમા પાટીલના મેન્ડેટનો અનાદર કરનારા સસ્પેન્ડ. મેન્ડેડનો અનાદર કરનાર 38 લોકોને સસ્પેન્ડ.
હારીજમાંથી 4, ખેડબ્રહ્મામાંથી 2, થરાદમાંથી 3 લોકો કર્યા સસ્પેન્ડ.
રાજકોટ જિલ્લાના ઉપલેટામાંથી 14, રાપરમાંથી 13 અને તળાજામાંથી 2 લોકો કર્યા સસ્પેન્ડ.

ધ્રોલ નગરપાલિકાના નવ નિયુક્ત પ્રમુખ જયશ્રીબેન પરમાર અને ઉપ.પ્રમુખ ઇરફાનભાઈ ટકીએ ચાર્જ સંભાળ્યો

ધ્રોલ નગરપાલિકાનો ચાર્જ નવ નિયુક્ત પ્રમુખ જયશ્રીબેન મનસુખભાઈ પરમાર અને ઉપ.પ્રમુખ ઇરફાનભાઈ ટકી દ્વારા સંભાળવામાં આવેલ આને કાર્યકર્તા ઓ દ્વારા ફટાકડા ફોડીને નવ નિયુક્તિ પ્રમુખને વધાવવામાં આવ્યા હતા. ધ્રોલ બીજેપીના શહેર પ્રમુખ મગનભાઈ ભોજાણી દ્વારા નગરપાલિકાના પગથિયે નમન કરીને પછી અંદર પગ મુકવામાં આવેલ અને ત્યાંર બાદ ધ્રોલ નગરપાલિકાના વિકાસના કામોને વેગ આપવા માટે ભારતીય જનતા પાર્ટીની આખી ટિમ દ્વારા ચીફ ઓફિસરની મુલાકાત લેવામાં આવી હતી.

જેમાં ધ્રોલ તાલુકા ભાજપના પૂર્વ પ્રમુખ રાજભા જાડેજા દ્વારા સૌ પ્રથમ ચીફ ઓફિસરને ભ્રષ્ટાચાર મુક્ત નગરપાલિકા બનવાનું જણાવેલ અને નગરપાલિકામાં વિકાસના કામોને વેગ આપી લોકોને આપેલા વચનો તાત્કાલિક પુરા કરવા આવે.

ધ્રોલ પ્રજા જનોની સુખાકારી માંટે તાત્કાલિક ધોરણે રોડ રસ્તા ગટર પાણી અને સફાઈ ને પ્રાધાન્ય આપવું અને સ્ટ્રીટ લાઈટો તેમજ કેમેરા જિયા બંધ હોય તે તાત્કાલિક ચાલુ કરવા જણાવેલ નગરપાલિકા ના દરેક વોર્ડ માં વોર્ડના સભ્યોને સાથે રાખી દર અઠવાડિયે એક એક વોર્ડ ની મુલાકાત લઈ તિયાના રેહવાસીઓ સાથે સંકલન કરી બને તેટલા પ્રોબ્લેમનું સમાધાન સ્થળ પરજ કરવું

આ મીટિંગ માં પૂર્વ ધારાસભ્ય મેઘજીભાઈ ચાવડા.રાજભા જાડેજા. શહેર પ્રમુખ મગનભાઈ ભોજાણી.ઈરફાન ટકી.ગોવિંદભાઈ દલસાનિયા, અરવિંદભાઈ પરમાર, મનસુખભાઇ પરમાર, અશરફભાઈ તુષારભાઈ ભલોડિયા. સંજયસિંહ વસરામભાઈ વરુ. વલ્લભભાઈ, લક્ષમણ ભાઈ, રમેશભાઈ જાકાસણીયા હિતેશ ભોજાણી .રાજેન્દ્રસિંહ સોલંકી, હિરેન કોટેચા, ચંદ્રકાન્ત ભાઈ. સમીરભાઈ શુક્લ તેમજ પાર્ટીના અનેક નાના મોટા કાર્યકર્તાઓ ઉપસ્થિત રહયા હતા

બંગાળની ખાડીમાં વધુ એક લો પ્રેસર, સૌરાષ્ટ્રમાં આખુ સપ્તાહ વરસાદી માહોલ

બંગાળની ખાડીમાં વધુ એક લો પ્રેસર બન્યુ જેની અસરથી સાર્વત્રીક હળવાથી મધ્યમ વરસશે ૨૨મીથી સ્પીડ પકડશે હવામાન ખાતુ

રાજકોટઃ તા.૧૯, બંગાળની ખાડીમાં બેક ટુ બેક બની રહેલ સીસ્ટમ્સની અસરથી આ આખુ અઠવાડીયું સૌરાષ્ટ્ર-ગુજરાતમાં વરસાદી માહોલ જોવા મળશે. સાર્વત્રીક હળવાથી મધ્યમ વરસાદ ચાલુ રહેશે.
હવામાન ખાતાએ જણાવ્યુ છે કે આજે બંગાળની ખાડીમાં વધુ એક સીસ્ટમ્સ બની રહી છે. ૨૪ કલાકમાં વધુ મજબુત બનશે. જેની અસરથી આ સપ્તાહમાં વરસાદનો સાર્વત્રીક રાઉન્ડ આવશે. હળવાથી મધ્યમ તો વરસશે જ પરંતુ દરિયાકાંઠાના બે થી ત્રણ વિસ્તારોમાં ભારે વરસાદ પડી શકે છે.

દરમિયાન રાજકોટ શહેરમાં ગઇકાલે પણ વરસાદી માહોલ જોવા મળેલ. બપોર સુધી હળવા ભારે ઝાપટાનો દોર જારી રહયો હતો જયારે બપોર બાદ એકરસ બન્યો હતો. એકધારો વરસાદ લગભગ ત્રણેક કલાક સુધી ચાલુ રહયો હતો. રાજકોટ શહેરમાં ગઇકાલે ૪૦.૬ મી.મી. (બે ઇંચથી થોડો ઓછો) જયારે મોસમનો કુલ ૭૮૮.૪ મી.મી. (૩૧.૫ ઇંચ) પાણી પડી ગયું છે.

હવામાન ખાતામાં સિઝનનો ૩૧.૫ ઇંચ
હવામાન ખાતામાં નોંધાયેલા આંકડા મુજબ રાજકોટ શહેરમાં ગઇકાલે ૪૦.૬ મી.મી. (બે ઇંચથી થોડો ઓછો) પાણી પડયું. જયારે મોસમનો કુલ ૭૮૮.૪ મી.મી. (૩૧.૫ ઇંચ) વરસી ગયો

ફલડ કંટ્રોલ રૂમમાં મોસમનો ૨૭ ઇંચ
રાજકોટ મ્યુનિસીપલ કોર્પોરેશનના ફલડ કંટ્રોલ રૂમમાં ગઇકાલે સેન્ટ્રલ ઝોનમાં અઢી ઇંચ, વેસ્ટઝોનમાં ૧ ઇંચ અને ઇસ્ટઝોનમાં પોણો ઇંચ જયારે મોસમનો કુલ ૨૭ ઇંચ નોંધાયો છે.
રાજકોટ શહેરમાં ગઇકાલે મ્યુ. કોર્પો.ના ફલડકંટ્રોલ રૂમમાં સેન્ટ્રલ ઝોનમાં અઢી ઇંચ, વેસ્ટ ઝોનમાં ૧ અને ઇસ્ટમાં પોણો ઇંચ જયારે હવામાન ખાતામાં ૪૦.૬ મી.મી. પાણી પડયુ

ધ્રોલમાં આમ આદમી પાર્ટીમાં યુવાનો અને મહિલાઓ જોડાય

આમ આદમી પાર્ટીમાં જોડાવા માટે જનતામાં અભૂતપૂર્વ ઉત્સાહ અને મહિલાઓ પણ મોટી સંખ્યામાં આમ આદમી પાર્ટીમાં જોડાય રહી છે. ત્યારે ધ્રોલમાં આમ આદમી પાર્ટીમાં યુવા અને હરેક સામાજીક કાર્યામાં આગળ રહેતા જીતરાજસિંહ જે.ગોહીલને ધ્રોલ આમ આદમી પાર્ટી યુવા મોરચાના પ્રમુખ તરીકે નિમણુંક કરવામાં આવી છે.

 ત્યારે કુસુમબેન પી . વાદીને આમ આદમી પાર્ટી મહિલા મોરચાનાં ધ્રોલ શહેરનાં પ્રમુખ તરીકે નિમણુંક કરવામાં આવે છે.  

શિક્ષણ, આરોગ્ય અને ભ્રષ્ટાચારમુક્ત સિસ્ટમની દિશામાં દિલ્લીમાં ઐતિહાસિક કામ કરનાર આમ આદમી પાર્ટીના “દિલ્લી મોડલ” જેવું જ ટેક્સના બદલામાં ગુજરાતમાં પણ મફત શિક્ષણ, મફત આરોગ્ય, મફત વીજળી સહિતના અધિકારો મળે તે માટે લોકો હવે સ્વયંભૂ આમ આદમી પાર્ટીમાં જોડાઈ રહ્યા છે.

ધ્રોલમાં યુવાનો માટી સંખ્યામાં સ્વયંભૂ આમ આદમી પાર્ટીમાં જોડાઈ રહ્યા છે.

પડધરી પોલીસે 5 લાખથી પણ વધુ રકમનો વિદેશી દારૂ ઝડપી પાડીયો

રાજકોટના પડધરી તાલુકાના તડઘરી ગામે પોલીસને મોટી સફળતા મળી છે. ગુજરાતમાં દારૂ બંધી હોવા છતાં વારંવાર વિદેશી દારૂ પકડી પાડવામાં આવે છે. બૂટલેગરો વિદેશી દારૂ ગુજરાતમાં કઈ જગ્યાએથી લાવે છે એ મોટો પ્રશ્નાર્થચિન છે.

આજે પડધરીના PSI એમ.જે.પરમાર તેમજ સ્ટેશનના સ્ટાફના માણસો ખાનગી વાહનમાં પેટ્રોલીંગ કરી રહ્યાં હતા તે દરમ્યાન બાતમી મળતા તાત્કાલિક કાર્યવાહી કરી હતી. ત્યારે બાતમીના આધારે તરઘડી રાધે કાઠીયાવાડી હોટલ પાછળ કારખાના વિસ્તારમાં આરોપી કમલેશકુમાર ગુર્જરને ઝડપી પડ્યો હતો. કારખાનામાં ઇગ્લીશ દારૂનો જથ્થો વેચાણ માટે સંગ્રહ કરેલી જગ્યાએ રેઇડ કરતા કારખાનામાંથી ભારતીય બનાવટનો પર પ્રાતીય દારૂ સાથે ચાર આરોપી પકડી તમામ આરોપી વિરૂધ્ધ કાયદેસરની કાર્યવાહી હાથધરી છે.

કબજે કરેલ મુદ્દામાલ

( ૧ ) એપીસોડ વ્હીકચ્છી બોટલ નંગ -૧૪૭૬ કુલ કીમત રૂ .૫,૨૨,૯૦૦ /

( ૨ ) મેકડોવેલ્સ નં .૧ બોટલ નંગ- ૧૬૫ કિ.રૂ ૬૧,૮૭૫ /

કામગીરી કરનાર ટીમ પડધરી પો.સબ.ઇન્સ એમ.જે.પરમાર,  એ.એસ.આઇ ભગીરથસિહ જાડેજા, પો.હે.કો ધર્મેશભાઈ પરમાર, પો.હેડ કોન્સ . ફિરોજભાઇ દાદમહમદભાઇ,  પો.કોન્સ જયેન્દરસિંહ મહીપતસિંહ, પો.કોન્સ . પ્રભાતભાઇ મૈયડ, પો.કોન્સ . વશરામભાઇ સવસીભાઇ, પો.કોનસ . દશરથસિહ જાડેજા, પો.કોન્સ સજયભાઇ બાભવા અને પો.કોન્સ . સંજયસિંહ જાડેજા

પડધરી રિપોર્ટર જે. સી.ગોહિલ

બીજેપી શાસિત ધ્રોલ નગરપાલિકામાં ‘વાલા દવલા’ની રાજનીતિ

ધ્રોલ નગરપાલિકામાં બીજેપીનું શાસન છે. ત્યારે માહિતી મળ્યાં અનુસાર એટલી હલકી કક્ષાની રાજનીતિ કરવામાં આવી રહી છે કે રાજનીતિ શબ્દને પણ કલંકિત કરે છે. ઘટના જોડિયાના નાકા પાસે આવેલ એક શેરીમાં નગરપાલિકા દ્વારા કોઈ પણ પ્રકારનું કામ કરવામાં નથી આવતું તેવુ સ્થાનિકોનું કહેવું છે.

ધ્રોલમાં છેલ્લા અઠી વર્ષ કરતા વધુ સમયથી શેરીમાં બ્લૉક નાખવાના કામ ચાલે છે પરંતુ આ શેરીમાં કામ કરવામાં આવતું નથી. આ શેરીના આજુબાજુના તમામ વિસ્તારમાં બ્લૉક નાખવામાં આવ્યા છે. પરંતુ આ શેરીમાં એક પણ પ્રકારનું કામ કરવામાં અવ્યું નથી.

RTI  કરી જવાબ ન મળ્યો

શેરીમાં બ્લોકનું કામ ન થતા શેરીના લોકો દ્વારા RTI કરવામાં આવી. પરંતુ RTIમાં પણ કોઈ જવાબ આપવામાં આવીયો. ત્યારે સ્થાનિક લોકો નગરપાલિકાએ લેખિત અરજી આપવા માટે નગરપાલિકા પૉહોંચ્યાં હતા. ત્યારે ચીફ ઓફીસરને પોતાની શેરીમાં બ્લોકનું કામ અત્યાર સુધી કેમ નથી કારવમાં  આવ્યું. તેવુ પૂછતા ચીફ ઓફીસરે જણાવ્યું કે, મત આપતા પેલા વિચાર કરો જે તમારું કામ કરે અનેજ મત આપો. તમારા વોર્ડના ચૂંટાયેલા શભ્યોએ અત્યાર સુધી તમારી શેરીમાં બ્લોક નાખવાનું કામ પાસ કર્યું ન હતું. એટલા માટે તમારી શેરીમાં બ્લોકનું કામ નથી કરવામાં આવ્યું. હાલ તમારી શેરીમાં બ્લૉક નાખવાનું કામ પાસ થાયને રાજકોટ મોકલેલ છે ત્યાંથી કેટલા ટાઈમાં પાસ થાયને આવે તે નો કહી સકાય. 6મહિના પણ થાય અને વર્ષ પણ થાય અમારા હાથમાં કાય નથી.

સ્થાનિક લોકો પાસેથી જાણવા મળ્યું છે કે, ગત ધ્રોલ નાગરપાલિકાની ચૂંટણીમાં આ શેરીમાંથી એક વ્યક્તિએ અપક્ષમાંથી ઉમેદવારી કારી હતી એટલા માટે નગરપાલિકાના ચૂંટાયેલા સભ્યો દ્વારા આ શેરીના કોઈ પણ પ્રકારના કામ પાસ કરવામાં આવતા નથી.

શું અપક્ષમાંથી ઉમેદવારી કરવી ગુનો છે? તમારા વિસ્તારમાંથી કોઈ અપક્ષમાંથી ઉમેદવારી કરે અને હારીજાય તો તમારા વિસ્તારનો ચૂંટાએલો ઉમેદવાર તમારૂ કામ ન કરે?

લોકોનું કહેવું છે કે, જે વિસ્તારમાથી ચૂંટાયેલા ઉમેદવારોને મત મળ્યા છે. તેજ વિસ્તારમાં કામ કરવામાં આવે છે. તો બીજેપી શાસિત ધ્રોલ નગરપાલિકામાં અને વાલા દવલાની રાજનીતિ કહી શકાય.

આ પહેલા ધ્રોલ નગરપાલિકામાં કોંગ્રેસનુ શાસન હતું. ત્યારે પણ ધ્રોલના ઘણાખરા વિસ્તારોમાં બ્લોક નાખવાનું કામ કરવામાં આવ્યું હતું. પરંતુ ત્યારે પણ આ શેરીને બાકાત રાખવામાં આવી હતું.  

નીરજ મુર્મુને બ્રિટનનો પ્રતિષ્ઠિત પ્રિન્સેસ ડાયના ઍવોર્ડ

  • 10 વર્ષની વયે બાળમજૂરીમાંથી મુક્ત કરાવાયેલાં નીરજે અનેક બાળકોનું જીવન બદલ્યું
  • કૈલાસ સત્યાર્થી ચિલ્ડ્રન્સ ફાઉન્ડેશન સંચાલિત બાલ મિત્ર ગામના પૂર્વ બાળમજૂર નીરજ મુર્મુને બ્રિટનનો પ્રતિષ્ઠિત પ્રિન્સેસ ડાયના એવોર્ડ એનાયત થયો છે.
  • જેમનું કાર અકસ્માતમાં અવસાન થયું હતું તે વેલ્સના રાજકુમારી ડાયનાની સ્મૃતિમાં યુકે સરકાર દર વર્ષે દુનિયાના ચુનંદા 25 લોકોને એવોર્ડ આપે છે.
  • બાળમજૂરીમાંથી મુક્ત થઈ પોતાના અને અન્ય બાળકોનાં જીવનમાં હકારાત્મક પરિવર્તન લાવવા અને તેને ટકાવી રાખવા બદલ નીરજ મુર્મુને 1 જુલાઈએ એક વર્ચ્યુઅલ સમારોહમાં 2020નો ડાયના એવોર્ડ એનાયત કરાયો હતો.
  • નીરજ મુર્મુ કૈલાસ સત્યાર્થી ચિલ્ડ્રન ફાઉન્ડેશન (કેએસસીએફ) સંચાલિત ગિરીડીહ જિલ્લાના દુલિયાકરમલ બાલ મિત્ર ગામના છે.
  • હાલ 21 વર્ષના નીરજને અગિયાર વર્ષ અગાઉ 10 વર્ષની ઉંમરે એસ્બેસ્ટોસની ખાણની મજૂરીમાંથી ઉગારવામાં આવ્યા હતા.
  • આ એવોર્ડ સમાજ પરિવર્તન માટે આગેવાની લેનારા અને તેમાં અસાધારણ યોગદાન આપનારા 9થી 25 વર્ષની વયના બાળકો અને યુવાનોને એનાયત કરાતો હોય છે.
  • નીરજ મુર્મુને આ એવોર્ડ ગરીબ અને પછાત બાળકોને શિક્ષણ આપવા બદલ અને એમનાં જીવનમાં બદલાવ લાવવા બદલ આપવામાં આવ્યો છે.
  • નીરજના પ્રમાણપત્રમાં ખાસ ઉલ્લેખ કરવામાં આવ્યો છે કે તેમણે નવી પેઢીને વિશ્વ બદલવાની દિશામાં પ્રેરણા આપી છે.
  • નીરજનો ભૂતકાળ અને કામગીરી
    ગરીબ આદિવાસી પરિવારના નીરજે 10 વર્ષની ઉંમરે પરિવારનું પોષણ કરવા એસ્બેસ્ટોસની ખીણમાં મજૂરી કરવાની શરૂઆત કરી હતી.

કૈલાશ સત્યાર્થી સ્થાપિત બચપન બચાવો આંદોલન (બીબીએ)ના કાર્યકરોએ તેમને મજૂરીથી મુક્ત કરાવ્યાં. બાળમજૂરીમાંથી છૂટ્યાં એ પછી એમની જિંદગી બદલાઈ. ગુલામીમાંથી મુક્ત થઈને, નીરજે સત્યાર્થી આંદોલન સાથે મળીને બાળમજૂરી સામે જાગૃતિ લાવવાનું શરૂ કર્યું. એમણે ખૂબ મહેનત કરી અભ્યાસ કર્યો અને એ સાથે અને લોકોને સમજાવી તેમના બાળકોને મજૂરીમાંથી છોડાવી શાળાઓમાં દાખલ કરાવવા લાગ્યા. ગ્રેજ્યુએશનની સાથે સાથે એમણે ગરીબ બાળકો માટે તેમના જ ગામમાં એક શાળાની પણ સ્થાપના કરી.

બાળમજૂરીના તેમના અનુભવથી, નીરજને સમજાયું કે તેમના જેવા ગરીબ અને આદિજાતિ બાળકોને શિક્ષણની સુવિધા ન આપવામાં આવે ત્યાં સુધી બાળમજૂરી અને બાળલગ્ન જેવી સામાજિક સમસ્યાઓ તેમનામાં દૂર થઈ શકશે નહીં.

આ શાળા થકી તેઓ 200 જેટલા બાળકોને શિક્ષણ આપી રહ્યા છે. નીરજે એમની જેમ જ એસ્બેસ્ટોસની ખાણમાં કામ કરનારા 20 બાળકોને પણ મુક્ત કરાવ્યાં છે.

ડાયના એવોર્ડ મળતાં ખુશીની વ્યક્ત કરતા નીરજ કહે છે, ‘આ એવોર્ડથી મારી જવાબદારી વધી છે. હું એવા બાળકોને શાળામાં પ્રવેશ મેળવવાની કામગીરીને વેગ આપીશ, જેમના અભ્યાસ વચ્ચે બંધ થઈ ગયો છે. સાથે હું બાલ મિત્ર ગામનાં બાળકોને શિક્ષિત કરવા પર ધ્યાન કેન્દ્રિત કરીશ. નીરજ કહે છે કે “નોબેલ શાંતિ પુરસ્કારથી સન્માનિત કૈલાશ સત્યાર્થી મારા આદર્શ છે અને તેમના વિચારોના પ્રકાશમાં હું બાળકોને શિક્ષિત અને સશક્ત કરવાની દિશામાં આગળ વધી રહ્યો છું.”

નીરજને ડાયના એવોર્ડ મળતાં, કેએસસીએફના એક્ઝિક્યુટિવ ડિરેક્ટર શ્રીમતી મલાથી નાગાસાયીએ પ્રતિક્રિયા આપતા કહ્યું, “અમને ગર્વ છે કે નીરજે પૂર્વ બાળમજૂરોમાં શિક્ષણને પ્રોત્સાહન આપવા મહત્તવની પહેલ કરી છે. તે અમારા બાલ મિત્ર ગામનાં બાળકો માટે એક રોલ મોડલ છે, જ્યાં દરેક બાળક પોતાની રીતે એક મજબૂત નેતા છે અને તેના હકની પ્રાપ્તિ સાથે તેના ગામના વિકાસ માટે તૈયાર છે અને સંઘર્ષ કરી રહ્યો છે.”

બાલ મિત્ર ગામ અને નીરજ

નીરજના વ્યક્તિત્વ વિકાસ અને સામાજિક પરિવર્તનમાં નોબલ શાંતિ પુરસ્કાર વિજેતા શ્રી કૈલાસ સત્યાર્થી અને તેમના દ્વારા સ્થાપિત સંગઠનની મહત્વપૂર્ણ ભૂમિકા છે. બાલ મિત્ર ગ્રામ એ બાળકો માટે સુખી અને મૈત્રીપૂર્ણ વિશ્વ નિર્માણ માટે શ્રી કૈલાસ સત્યાર્થીની પાયારૂપ પહેલ છે. દેશ અને દુનિયામાં આવા ગામો બનાવવામાં આવી રહ્યા છે.

બાલ મિત્ર ગ્રામનો અર્થ એ ગામો છે જેમાં 6થી 14 વર્ષની વયના તમામ બાળકો મજૂરીથી મુક્ત હોય અને શાળાએ જતાં હોય. ત્યાં એક પસંદ કરેલ બાલ પંચાયત હોય અને તે ગ્રામ પંચાયત સાથે સુસંગત હોય. આવા ગામોમાં બાળકોને ગુણવત્તાયુક્ત શિક્ષણની સાથે, તેમનામાં નેતૃત્વના ગુણો પણ વિકસિત થાય છે. ગામના બાળકો પંચાયતોની મદદથી બાળકોની સમસ્યાઓનું સમાધાન કરીને ગામના વિકાસમાં મદદ કરે છે.

નીરજનું ગામ પણ બાલ મિત્ર ગામ છે. 2013માં બાલ મિત્ર ગામના યુવા જૂથના સભ્ય તરીકે, તેમણે બાળમજૂરી નાબૂદ કરવા અને પછી તે બાળકોને શાળાઓમાં પ્રવેશ અપાવવાની દિશામાં કામ કરવાનું શરૂ કર્યું હતું. તેમના શાળાના દિવસો દરમિયાન, તે તામિલનાડુ ગયા અને પોતાના ગામથી મજૂરી કરવા માટે ગયેલા કેટલાંક બાળકોને પાછા લઈ આવ્યા અને તેમને શાળામાં પ્રવેશ અપાવ્યો.

નીરજ તેમના ગામની ઘણી સામાજિક-આર્થિક સમસ્યાઓના ઉકેલ માટે પણ કામ કરે છે. જેમ કે બાળલગ્ન અટકાવવા, હેન્ડપંપ લગાવવો, તેનું સમારકામ કરાવવું, ઘરોમાં વીજળીની સુવિધા ઉપલબ્ધ કરાવવી, સરકારી યોજનાઓ દ્વારા ગેસ કનેક્શનની સુવિધાઓ લોકોને અપાવવી વગેરે.

લોકોને શિક્ષણનું મહત્ત્વ સમજવા માટે તે રેલીઓ અને અન્ય ઝુંબેશનું પણ આયોજન કરે છે. પરિણામે સરકારી શાળાઓમાં બાળકોની નોંધણી વધી છે. નીરજ પાસેથી શિક્ષણ મેળવનારા બાળકો પણ જાગૃત થયા છે અને તેઓ તેમના ગામમાં સકારાત્મક પરિવર્તન લાવવાનો પ્રયાસ કરી રહ્યા છે. આ રીતે તેમણે સત્યાર્થી ચળવળની આગામી પેઢીને પણ તૈયાર કરી છે.

કૈલાસ સત્યાર્થી ચિલ્ડ્રન્સ ફાઉન્ડેશન વિશે.

‘કૈલાસ સત્યાર્થી ચિલ્ડ્રન્સ ફાઉન્ડેશન’ નોબેલ શાંતિ પુરસ્કાર સન્માનિત શ્રી કૈલાસ સત્યાર્થી દ્વારા સ્થાપિત કરવામાં આવ્યું છે, તે એક વૈશ્વિક સંસ્થા છે જે બાળકોના શોષણ અને હિંસા સામે કામ કરે છે. ફાઉન્ડેશન તેના કાર્યક્રમો જેવા કે, સીધી દરમિયાનગીરી, સંશોધન, ક્ષમતાવર્ધન, લોક જાગૃતિ અને વ્યવહાર પરિવર્તન દ્વારા બાળકો માટે યોગ્ય વિશ્વ નિર્માણ તરફ આગળ વધી રહ્યું છે. કૈલાશ સત્યાર્થીના કાર્યો અને અનુભવોએ હજારો બાળકો અને યુવાનોને ‘બાલ મિત્ર દુનિયા’ બનાવવાની પ્રેરણા આપી છે.