કોરોનાના કહેરથી દેશમાં મરતા લોકો વચ્ચે પ્રધાનમંત્રીને જન્મદિવસની શુભકામના પાઠવી કેવી રીતે ??

17 સપ્ટેમ્બર 2020ના દિવસે પ્રધાનમંત્રી નરેન્દ્ર મોદીનો 70 માં વર્ષમાં પ્રવેશ કર્યો છે. ત્યારે વડાપ્રધાન હંમેશા 70 વર્ષની ચર્ચા કરતા હોય છે કે 70 વર્ષમાં બીજી સરકારોએ શુ કર્યું ? પરંતુ છેલ્લા 70 વર્ષમાં અન્ય સરકાર ન કરી શકી તે સરકારે માત્ર 7 વર્ષ પૂર્ણ થાય તે પહેલાં મોદી સરકારે કરી બતાવ્યું.

નરેન્દ્ર મોદીએ દેશમાં સતા કઇ રીતે મેળવી અને કઈ રીતે પોતે કામગીરી કરી રહ્યા છે તે સૌ કોઈ જાણે છે. છેલ્લા 7 વર્ષમાં એટલે કે મોદી શાસનમાં સૌ કોઈને શિસ્તમાં એટલે કે લાઈનમાં ઉભા રહેતા શીખડાવી દીધું છે. મોદી સરકારે 2014માં સતા મેળવી દેશભરમાં પ્રથમ નિર્ણય કર્યો કે 2014નાં રોજ પ્રધાનમંત્રીએ ‘સ્વચ્છ ભારત અભિયાન’ શરૂ કર્યું હતું. અને દેશને સ્વચ્છ બનાવવા માટે સ્વચ્છતા અભિયાનમાં ફોટો પડાવવા માટે લાઈનોમાં લોકોને ઉભા રાખી દીધા. હજુ 7 વર્ષના સમયગાળામાં ગુજરાત મોડેલ સ્વચ્છ થઈ શક્યું નથી.

ત્યાર બાદ 8 નવેમ્બર 2016ના રોજ પ્રધાન મંત્રીએ ઐતિહાસિક નિર્ણય કર્યો અને નોટબંધી જાહેર કરી જેથી દેશની જનતા બેંકોની લાઈનોમાં ઉભા રહેવા માટે મજબૂર બની. 50 દિવસનો સમય માંગનારા વડાપ્રધાને દેશની જનતાને સમય ન આપ્યો અને ગરીબ અને મધ્યમ વર્ગના લોકો, ખેડૂત, વેપારીઓ, મહિલાઓ તમામને હેરાન-પરેશાન કરી નાખ્યા,

ત્યાર બાદ 1 જુલાઈ 2017ના રોજ દેશમાં GST લાગુ કર્યો અને વેપારી વર્ગને લાઈનમાં ઉભો રાખી દીધો. તેમજ GST લાગુ કર્યા બાદ વેપારીઓ કંગાળ બન્યા અને બેરોજગારીના દરોમાં પણ ઐતિહાસિક વધારો થયો. વેપારીઓ અને યુવાનો નિરાશામાં ડૂબ્યા, અને ઠેર ઠેર વેપારીઓનો માલ અટકી જતા વેપારીઓને અનેક મુશ્કેલીનો સામનો કરવો પડ્યો હતો…

મોદી સરકારના રાજમાં બેરોજદારી દર વધતા ઠેર ઠેર યુવાન પુરુષો અને મહિલાઓએ રોજગારી મેળવવા માટે ઠેર ઠેર નાના એવા ભરતીના આકડાઓમાં પણ લાંબી લાંબી લાઈનો લગાડી હતી. ત્યારે છેલ્લા 7 વર્ષમાં સૌથી વધુ બેરોજગારી પણ મોદી સરકારના રાજમાં દેખાઈ છે… 2017-18માં સાડા ત્રણ ગણાથી વધીને 17.4 ટકા સુધી બેરોજગારી પહોંચી ગઈ હતી. વર્ષ 2018માં દેશમાં 1.1 કરોડ લોકોએ પોતાની નોકરી ગૂમાવી દીધી હતી. અને ભારતમાં છેલ્લા 45 વર્ષમાં સૌથી વધુ બેરોજદારી દર પણ નોંધાયો હતો…

વર્ષ 2020માં મોદી સરકારે દેશના નાગરિકોના હિતમાં લોકડાઉન જાહેર કર્યું અને લોકોને શાકભાજી અને કારીયાણું લેવા માટે લાંબી લાઈનોમાં ઉભા રાખી દીધા . તેમજ ભારતભરના વ્યસનોએ પણ પોતાની વ્યસનની પ્યાસને બુજાવવા માટે ઠેર ઠેર લાંબી લાઈનોમાં ઉભા રાખી દીધા હતા. અને લોકડાઉનમાં ગરીબ અને મધ્યમ વર્ગના લોકોને રાશન આપવા માટે પણ સસ્તા અનાજની દુકાનદારો બહાર લાઈનો લગાડી દીધી હતી….

અને અંતે છેલ્લે લોકડાઉન પૂર્ણ થયું અને અનલોક જાહેર કરાતાની સાથે જ કોરોનાનો રાફડો ફાટ્યો, કોવિડ હોસ્પિટલોમાં દર્દીઓની લાઈનો લાગી. લોકોને લાઈનો લાગતા યોગ્ય સારવાર ન મળતા અનેક લોકો મોતને ભેટ્યા હતા. કોરોનાને કારણે અનેક લોકોના મોત થતા સ્મશાન ખાતે પણ લાઈનો લાગી છે અને મર્યા પછી પણ લાઈનો પૂર્ણ થતી નથી. ત્યારે એક બાજુ દેશમાં કોરોનાની મહામારી ચાલી રહી છે. લોકો પોતાના સ્વજનોને ગુમાવી રહ્યા છે ત્યારે વડાપ્રધાનને કઇ રીતે શુભેચ્છા પાઠવી શકું ? અને જો વડાપ્રધાન જન્મદિવસની શુભેચ્છાની આશા રાખી રહ્યા હોય અને તેમના પ્રશંસકો શુભેચ્છા પાઠવે તો તેનાથી વધારે શરમની વાત બીજી કોઈ હોઈ ન શકે….. ત્યારે હવે લોકોના મૃત્યુની પણ લાઈનો લાગી છે ત્યારે આગામી સમયમાં અન્ય લાઈનો ન લગાડે તેવી જ જન્મદિવસ નિમિત્તે આશા રાખીએ.

જામનગરમાં વધતું કોરોનાનુ સંક્રમણ ચિંતાનો વિષય

દેશમાં કોરોનાના કેસમાં વધારો થઈ રહ્યો છે ત્યારે જામનગરમાં કોરોનાના ઢગલા બંધ કેસ વધી રહ્યા છે. છેલ્લા ઘણા દિવસોથી કોરોનાનાં વધતા સંક્રમણનાં કારણે જામનગર જીલ્લા વહિવટ તંત્ર અને જામનગર મનપાની ઉંધ ઉડી ગઇ છે. ત્યારે વધુ 2 કોરોના પોઝિટિવ કેસનો વધારો થયો છે.

નવા કોરોનાના કેસ જામનગરની સાધના કોલોની ખાતે રહેતા એક પુરૂષને અને કુંભારવાડા વિસ્તારમાં રહેતી એક મહિલાને કોરોના પોઝિટિવ આપતા ફરી કોરોનાએ જામનગર તંત્રની ચિંતામાં વઘારો કર્યો છે.

જામનગરમાં કોરોનાના વધતા સંક્રમણના કારમે અમુક વિસ્તારોમાં ફરી લોકડાઉનની સ્થિતિ લોકો દ્વારા સ્વયંભૂ રીતે જ અમલી કરવામાં આવી રહી છે. તેમજ જામનગર વહિવટ તંત્ર દ્વારા લોકોના કામ સીવાઈ બહાર ન નિકળવા અપીલ કરવામાં આવી રહી છે. પરંતુ શહેરમાં લોકો કોરોના સામેની લડાઇમાં બેજવાબદારી સાથેનું વર્તન કરતા પણ નજરે પડે છે.

હાલ પણ દેશ – દુનિયામાં કોરોનાનો જપેટમાં છે. કોરોનાને સહેલાઈ થી લઈ શકાઈ તેમ નથી. પોતાની અને પાતાના પરીવારના સ્વાસ્થ્યની રક્ષા કાળજી લઇને રાખો, કોરોના માર્ગદર્શીકાનુ પાલન કરો અને કોરોનાને માત આપો આજ રસ્તો છે કોરોના સામેની લડાઇ જીતવાનો

કોરોના/ગુજરાત સરકારની તૈયારીઓ પર સવાલ, દેશમાં બીજા ક્રમે ગુજરાત

રાજ્યના આરોગ્ય વિભાગે જ્યારથી કોરોના ટેસ્ટની સંખ્યા વધારી છે ત્યારથી રાજ્યમાં પોઝિટિવ દર્દીઓની સંખ્યામાં વધારો થઇ રહ્યો છે. તેની સાથે સાથે કોરોનાએ ગુજરાત મોડેલની હવા કાઢી નાંખી છે. કારણકે ગુજરાતમાં કેસની જે રીતે સંખ્યા વધી રહ્યી છે. તેને જોતા ગુજરાત સરકારની તૈયારીઓની પોલ ખુલી ગઈ છે. તેમજ ગુજરાત સરકારના આરોગ્ય વિભાગને ઊઘાડું પડી દીધું છે.

હાલ ગુજરાતમાં મૃત્યુઆંક 100ને પાર પોંહચ્યો છે. ત્યારે કોરોનાના પોઝિટિવ કેસની સંખ્યા 2559 પર પહોંચી ચૂકી છે. હાલ દેશમાં કોરોનાના કેસમાં ગુજરાત બીજા નંબરે આવીને ઊભું છે.

ગત સાંજે આરોગ્યવિભાગના અગ્રસચિવ જયંતિ રવિની પત્રકાર પરિષદ બાદ રાજ્ય કોરોના પોઝિટવના નવા 152 કેસ નોંધાયા અને વધુ 2 લોકોના મોત થયા છે. નવા 152 કેસ નોંધાતા કુલ દર્દીઓ ની સંખ્યા 2559 પર પહોંચી ગઈ છે જ્યારે 2 વધુ લોકના મોતને કારણે કુલ મૃત્યુ 105 પર પહોંચ્યો છે.

અમદાવાદમાં 94 કેસ નોંધાયા છે જ્યારે સુરત 30 કેસ, વડોદરા 14, આણંદ 3, બનાસકાંઠા અને ગાંધીનગરમાં 2, અરવલ્લી, ભાવનગર, બોટાદ, છોટા ઉદેપુર, નર્મદા, પંચમહાલ અને વલસાડમાં 1-1 કેસ નોંધાયા છે.

આજે 152 નવા કેસ ગુજરાતમાં કોરોના પોઝિટિવ નોંધાયા છે. ત્યારે કેસનો કુલ આંકડો 2559 પર પહોંચ્યો છે. દેશમાં મહારાષ્ટ્રના 5649 કેસ બાદ બીજા નંબરે છે. જ્યારે મોતના આંકડામાં પણ ગુજરાતે બીજો ક્રમ જાળવી ગુજરાત સરકાર અને રાજ્યના આરોગ્ય વિભાગની તૈયારીઓની પોલ ખોલી નાંખી છે.

ક્રમરાજ્યકેસમોત
1મહારાષ્ટ્ર5649269
2ગુજરાત2559105
3દિલ્હી224848

ધ્રોલ માર્કેટિંગયાર્ડમાં શાકભાજીની હરાજીમાં તંત્રની બેદરકારી

  • સરકારના જાહેરનામાનો ભંગ
  • નિયમોનુ ભંગ થઈ તો જવાબદાર કોણ?
  • શું શાકભાજીની હરાજી યાર્ડનુ કાર્યક્ષેત્ર નથી?

વિશ્વભરમાં જ્યારે કોરોનાની મહામારી ચાલી રહી છે. ત્યારે કોરોનાને માત આપવા માટે રાજ્ય સરકાર દ્વારા અનેક તકેદારીના પગલા લેવામાં આવી રહ્યા છે પરંતુ જામનગર જિલ્લાના ધ્રોલ માર્કેટિંગ યાર્ડમાં શાકભાજીની હરાજીમાં તંત્ર દ્વારા એક પણ પ્રકારની તકેદારી લેવામાં આવી રહી નથી.

રાજ્ય સરકારના નિયમો મુજબ શાકભાજીની હરાજીમાં સોશિયલ ડિસ્ટન્સિંગ જાળવવુ, માસ્ક અને લોકોને સેનેટાઈઝ કર્યા બાદ હરાજીમાં ભાગ લઈ શકે છે. તેમાં પણ સોશિયલ ડિસ્ટન્સિંગ જાળવવુ ખુબજ જરૂરી છે. પરંતુ અહીં તો ઊલટું થઈ રહ્યું છે.

ધ્રોલ માર્કેટિંગ યાર્ડમાં શાકભાજીની હરાજીમાં ગંભીર બેદરકારી સામે આવી છે. શાકભાજીની હરાજીમાં નિયમોને નેવે મૂકી મોટી સંખ્યામાં લોકો એકઠા થઈ રહ્યા છે. ત્યારે નથીતો સોશિયલ ડિસ્ટન્સિંગનુ પાલન કરી રહ્યા કે નથી તો બધાજ લોકોએ માસ્ક પહેર્યા.

ધ્રોલ માર્કેટિંગ યાર્ડમાં સરકારના નિયમોનો સરેઆમ રાજ્ય સરકારના નિયમોને ભંગ કરી ધ્રોલ માર્કેટિંગ યાર્ડ દરરોજ અંદાજે 25થી 30 હજાર કિલો શાકભાજી અને ફ્રુટની હરાજી થાય છે. જેમાં બટાકા, ડુંગળી, ટમેટા, અને તમામ લીલોતરી. ત્યારે ફ્રુટમાં કેળા, દાડમ, દ્રાક્ષ અને તરબૂચ વગેરે હરાજી થાય છે. આ સમયે અંદાજે 300 થી 400 લોકોના યાર્ડમાં અવર જવર કરતા હોય છે.

ત્યારે યાર્ડમાં શાકભાજીના દલાલ તેમજ વેપારીઓ દ્વારા કોઇપણ પ્રકારનું સોશિયલ ડિસ્ટન્સિંગન જાળવવામાં આવી રહ્યું નથી. ઘણા લોકોએ માસ્ક પહેર્યા વગર જોવા મળી રહ્યા છે. અહીં તંત્ર દ્વારા નિયમોનું પાલન કરવામાં એક પણ પ્રકારની તકેદારી નથી રાખવામાં આવી.

જ્યારે યાર્ડના કર્મચારી સાથે વાત કરતાં જાણવા મળ્યું હતું કે, શાકભાજીની હરાજી યાર્ડના કાર્યક્ષેત્રમાં નથી આવતી માત્ર શાકભાજીના વેપારીઓએ માટે જગ્યા ફાળવવામાં આવી છે. યાર્ડ દ્વારા તમામ વેપારીઓને દલાલોને અગાઉ પણ સોશિયલ ડિસ્ટન્સિંગ  જાળવવા અને માસ્ક અને સેનેટાઈઝ રાખવાની સુચના આપી હતી. યાર્ડમાં આવતા જતા લોકોને માસ્ક પહેરવા જોઈએ તેમ જણાવ્યું હતું.

સણોસરા ગ્રામ પંચાયતની કોરોનાની મહામરી સામે સરાહનીય કામગીરી

સણોસરા ગ્રામ પંચાયત દ્વારા સરકાર દ્વારા જાહેર કરવામાં આવેલ લોકડાઉનનું પૂર્ણ રીતે પાલન કરવામાં આવી રહ્યું છે, તેમજ સમસ્ત ગ્રામજનોને પોસ્ટર તેમજ નોટીસ બોર્ડ ઉપર COVID-19 વિશે જાગરૂકતા ફેલાય તેવા સૂત્રો લખવામાં આવ્યા છે. અને કોરોના વાયરસનો ફેલાવો અટકાવવા માટે ના તમામ તકેદારી રૂપ પગલાં સણોસરા ગ્રામ પંચાયત દ્વારા લેવામાં આવી છે. સમપૂર્ણ ગામને સેનિટાઇઝ કરવામાં આવ્યુ હતુ.

તેમજ ગામના મુખ્ય રસ્તા પર બોડ લગાડવામાં આવ્યુ છે. તેમાં જણાવામાં આવ્યુ છે કે બહાતથી આવતા ફેરીયા અને શાકભાજીવાળાને ગામમાં આવવા પર સખત મનાઈ ફરમાવામાં આવી છે

તેમજ સણોસરા  ગ્રામ પંચાયત દ્વારા સમસ્ત ગ્રામજનો તેમજ સમાજમાં લોકડાઉનને લઈને કોઈ અરાજકતા કે અફવા ન ફેલાય તેની પણ પૂર્ણ તકેદારી રાખવામાં આવી છે. સમગ્ર દેશ COVID-19  (કોરોના વાયરસ) રૂપી મહામારી સામે જુસ્સા થી લડી રહ્યા છે.

માતૃત્વ અને બહાદુરીથી છલોછલ/ ૬ મહિનાની પુત્રી વૃંદાને લઈ PSI ચાર્મીબેન ફરજ પર

રાજકોટ: સમગ્ર ભારતના કોરોનાની મહામારીએ ભારે પ્રલય મચાવ્યો છે ત્યારે મેડીકલ, પોલીસ તથા અનેક આવશ્યક વિભાગો ખડે પગે કાર્યરત છે.આજે પોલીસ વિભાગમાં ફરજ બજાવતા આવાજ એક મહિલા પોલીસ સબ ઈન્સ્પેક્ટરનાં માતૃત્વ અને બહાદુરીથી છલોછલ એક કહાની વિષે વાત કરવી છે.

બોટાદ જીલ્લાના બરવાળા પોલીસ મથકમાં મહિલા PSI ચાર્મીબેન પરસાણીયા (કરકર) ફરજ બજાવે છે. તેમનાં આંગણે ૬ મહિના પૂર્વે લક્ષ્મી અવતર્યા હજુ તો અંગને પધારેલ વૃંદા નામની દીકરીની નામકરણ સહિતની વિધિ પૂરી થાય અને દીકરી પરિવારને સારી રીતે જાણી શકે તે પહેલા સમગ્ર ભારતમાં કોરોના નામક ભયાનક વાયરસે પ્રલય ફેલાવ્યો.જેથી વડાપ્રધાન દ્વારા સમગ્ર ભારતમાં ૨૧ દિવસનું લોકડાઉન જાહેર કરવામાં આવ્યું. તેથી વાયરસની ગંભીરતાને ધ્યાને લેતા ગુજરાતમાં પણ દરેક જીલ્લામાં લોકડાઉનનો અમલ કરાવવો અનિવાર્ય બન્યો.

૬ મહિનાની માતાની પુત્રી હોવા છતા ગુજરાત પોલીસનાં મહિલા PSIએ ક્ષણનો પણ વિલંબ કર્યા વિના પોતાની જવાબદારીને પોતાનું કર્તવ્ય સમજીને ફરજ પર હાજર થયા હતા.

જેમની ઘરે હજી ફુલ જેવી કોમળ દીકરી ને જન્મ આપ્યો એને હજી છ(૬) મહીના પૂરા થયા છે ને વિશ્વ મા ચાલતી ભયાનક કોરોના વાયરસ ની મહા મારી મા જ્યારે ભારત સંપૂર્ણ પણે લોક ડાઉન છે ત્યારે પોલીસ માં ફરજ બજાવતા (પોલીસ સબ ઇન્સ્પેક્ટર) ચાર્મીબેન પરસાણીયા (કરકર) એના ઘર પરીવાર ની ચીન્તા કર્યા વગર તેમની ફરજ તેમજ તેમની જવાબદારી ઉત્કૃષ્ટ રીતે નિભાવી રહ્યા છે. ધન્ય છે આવી જનેતા ને !!!

જાણો શું કર્યું પડધરી તાલુકા વિકાસ અધિકારી તેમજ તાલુકાની ટીમ એકસાથે મળીને

કોરોના ની મહામારીમાં પડધરી તાલુકા વિકાસ અધિકારી તેમજ તાલુકાની ટીમ દ્વારા છેલ્લા પાંચ દિવસ દરમિયાન અલગ-અલગ ગામોની મુલાકાત લીધી હતી આ મુલાકાત દરમિયાન ગામના સરપંચો ગામના આગેવાનો સાથે વાતચીત કરતા જણાવ્યું કે આપ સૌને દૂધ શાકભાજી વગેરે તકલીફ પડે છે કે કેમ તે બાબતે જણાવો તથા કોરોન્ટાઇન કરેલા વ્યક્તિઓ પોતાના ઘરમાં બેસે છે કે કેમ લોક ડાઉનની અમલવારી થાય છે કે કેમ તે બાબતે ગામના સરપંચો આગેવાનો સાથે વાતચિત કરેલ તથા તલાટી કમ મંત્રીઓ સરપંચો તમામ પદાધિકારીઓ વગેરે આ લોક ડાઉનની પરિસ્થિતિમાં સતત કામ કરી રહ્યા છે

આજરોજ પડધરી ગામ માં સરપંચ શ્રી, તલાટી કમ મંત્રી, પડધરી પોલીસ સ્ટેશન ના પી.એસ.આઇ કે એ જાડેજા સાહેબ તથા તમામ પોલીસ કર્મચારીઓ દ્વારા પડધરીના અલગ-અલગ વિસ્તારમાં કલમ 144 ના જાહેરનામા મુજબ જનતા ને માહિતગાર કરાવેલ કે બિનજરૂરી કામ સિવાય ઘર બહાર નીકળવું નહીં ઘરની બહાર ટોરા કરી બેસવું નહીં પડધરી વિસ્તારના રહેવાસીઓને પડધરીમાં અનાજ કરિયાણું દૂધ વગેરે લેવા માટે મોટરસાયકલ લઈને ના આવવુ.

પડધરી મા તાલુકા પંચાયતમાં વિસ્તરણ અધિકારી તરીકે ફરજ બજાવતા જે એમ રાઠોડ જે 31 3 2020 ના રોજ રીટાયર્ડ થઈ ચૂક્યા હોવા છતાં આ કરોનાની મહામારીમાં સતત નોકરી ઉપર આવી અને એક દેશદાઝ બતાવી હતી તે બદલ તાલુકા વિકાસ અધિકારીએ તેમની કામગીરી ની પ્રશંસા કરી લીધી હતી

રીપોર્ટર
જે સી ગોહિલ
પડધરી

સૌરાષ્ટ્રનું પાટનગર એવા રાજકોટ સિવિલ હોસ્પિટલમાં એમ્બુલન્સની અછત

સૌરાષ્ટ્રના કોરોના શંકાસ્પદ દર્દીઓનો ધસારો વધી રહ્યો છે ત્યારે દર્દીઓને લેવા-મૂકવા માટે એમ્બુલન્સની જરૂર પડે છે
પરંતું સિવિલ હોસ્પિટલ પાસે હાલમાં માત્ર એક જ એમ્બ્યુલન્સ હોવાની ચોંકાવનારી વિગતો સામે આવી
સિવિલ હોસ્પીટલમાં એક વર્ષ પહેલા દસ ઇમરજન્સી વાહન હતા જેમાંથી આઠ એમ્બ્યુલસ તરીકે અને બે શબવાહિની તરીકે ઉપયોગમાં લેવામાં આવતી હતી પરંતુ છેલ્લા એક વર્ષથી કરતાં વધારે સમયથી આઠ એમ્બ્યુલન્સ નોનયુઝ એટલે કે કંન્ડમ જાહેર થયેલ છે

જેથી હાલ રાજકોટ સિવિલ હોસ્પિટલ પાસે માત્ર એક એમ્બ્યુલન્સ વાન અને એક શબવાહિનીથી કામ ચલાવવું પડે છે જેથી સૌરાષ્ટ્રભરના critical condition વાળા એટલે કે ઇમરજન્સીવાળા દર્દીઓ માટે ભારે હાડમારી વેઠવી પડે છે.
આશરે એકાદ વર્ષ પહેલા આર.ડી.ડી.એ ૮ એમ્બ્યુલન્સ વાનને કંન્ડમ જાહેર કરી છે. એટલે કે તેનો ઉપયોગ ન કરી શકાય
એમ્બ્યુલન્સ ન હોવાથી ખાનગી એમ્બ્યુલન્સના મોંઘા ભાડા ભરીને આવવા-જવાનો ઉપયોગ કરવો પડે છે.

ગંભીર બીમારીના દર્દીઓ જેવા કે કેન્સર,હાર્ટના દર્દીઓ,નાના બાળકો, કિડનીના દર્દીઓને અમદાવાદ સિવિલ હોસ્પિટલમાં ટ્રાન્સફર કરવા માટે પણ આ એમ્બ્યુલન્સનો ઉપયોગ થાય છે જ્યારે ઘણી વખત આ એમ્બ્યુલન્સ અમદાવાદ ગઈ હોય અને પાછળથી ઇમરજન્સી કેશ આવે ત્યારે પેસેન્ટ અને તેના સગા વાહલાઓને ભારે મુશ્કેલીનો સામનો કરવો પડે છે.
ત્યારે તંત્ર જાગે અને કોરોના મહામારીમાં એમ્બ્યુલન્સ વસાવે તે ખૂબ જરૂરી બને છે.

એક કોરોના દર્દી કે જેને સાજા થઇ ગયા હોવા છતા ઘરે જવુ નથી ગમતું . . .

  • આઇસોલેશન વોર્ડ્ની બહાર ફરજ પરના ડોક્ટર્સના ગ્રુપે બે કતાર બનાવી તાળીયોનાં ગડગડાટ્થી વિમળાબેન અને તેના પુત્ર કૌશલભાઇ ને વિદાય આપતાં વાતાવરણ ભાવુક


રાજકોટમાં વધુ બે કોરોના પોઝીટીવ દર્દી નેગેટીવ થઇ જતાં હોસ્પીટલમાંથી રજા અપાઇ
રાજકોટ તા. ૫ એપ્રિલ , “ કોરોના જેવી મહામારીમાંથી સાજા થઇ ગયાનો આનંદ ચોક્કસ છે પરંતુ હવે ઘરે જવુ નથી ગમતું, અને જો મને પરવાનગી આપવામાં આવે તો મારે અહીં અન્ય દર્દીઓની સારવારમાં મારાથી બનતી સેવા આપવી છે. આ ૧૩ દીવસમાં અહીં જે સારવાર આપવામાં આવી છે એ માટે હું સમગ્ર હોસ્પીટલ સ્ટાફનો આભાર માનુ છું. કોરોનાનો મને ભય હતો અને ભગવાન અને ડોક્ટર પર મારો ભરોસો પણ હતો તેમાં બા બા કરતો અહીનો સ્ટાફ જાણે મારો પરીવાર બની ગયો છે.” આ શબ્દો છે

વિમળાબેન હર્ષદભાઇ કાનાબારના , તેમને તથા તેમના પુત્ર કૌશલભાઇને કોરોના પોઝીટીવ આવતાં ૧૩ દીવસ પહેલા સીવીલ હોસ્પીટલ રાજકોટ ખાતે આઇસોલેશન વોર્ડમાં દાખલ કરવામાં આવેલ વિમળાબેન ને તો ડાયાબીટીસ, હાઇપર ટેન્શન અને બ્લડ પ્રેશરની કાયમી તકલીફ પણ ખરી અને ઉંમર પણ ૭૫ જેવી તેને રીકવરી આવવી અને તે પણ આટલી ઝડપથી તે માટે રાજકોટ સીવીલ હોસ્પીટલના તબીબો દ્વારા થયેલ ચમત્કાર જ તેઓ ગણાવે છે.

ડો. આરતી ત્રીવેદીના માર્ગદર્શન હેઠળની આજ ફરજ પરની ડોકટર્સની ટીમે આજે વિમળાબેન ને હોસ્પીટલમાંથી અપાયેલ રજાને યાદગાર બનાવી દીધી હતી ફરજ પરનાં ડોકટર્સ સર્વશ્રી પ્રફુલ દુધરેજીયા, હિરલ મકવાણા, તપન પારેખ, એક્તા આરતીવાણી, યોગેશ કટારીયા, ઉજ્જવલ યાદવ, સચીન કંદાકોર અને ચંદ્રજીત સોલંકીની ટીમે આઇસોલેશન વોર્ડ્ની બહાર બે કતાર બનાવી તાળીયોનાં ગડગડાટ્થી વિમળાબેન અને તેના પુત્ર કૌશલભાઇ ને વિદાય આપતાં વાતાવરણ ભાવુક બની ગયું હતું.

માહિતી ખાતા સાથે વાત કરતા તેમણે આ ડોક્ટર્સની ટીમને પોતાનો પરિવાર ગણાવ્યો હતો અને ઉમેર્યુ હતુ કે સરકારી હોસ્પીટલ માટેનો મારો ખ્યાલ બદલાઇ ગયો છે. નાની મોટી કોઇપણ તકલીફ માટે આખી જિંદગી પ્રાઇવેટ હોસ્પીટલમાં દોડી જતાં પણ આવા ડોક્ટર્સ અને આટલી સુવિધાઓ તો કોઇ મોટી હોસ્પીટલમાં પણ ના મળે વિદેશમાં પણ આવી સરકારી હોસ્પીટલ નહીં હોય.

વિમળાબેનનાં પુત્ર કૌશલભાઇ પણ સાથે જ સારા અને ફીટ થઇ ગયેલ હોય બન્ને ને સાથે જ રજા આપવામાં આવી હતી તેમણે માહિતી ખાતાના પ્રતિનિધી સાથે વાત કરતાં જણાવ્યુ હતું કે અહીં વિશ્વની શ્રેષ્ઠ સારવાર ઉપલબ્ધ છે. અહીં ની ચોખ્ખાઇ અને સ્ટાફ્ની ડીસીપ્લીન સરાહનીય છે. સ્વીપર થી લઇ ને ડોકટર સુધીના તમામ પોતાની ફરજ ખુબજ શ્રેષ્ઠ રીતે બજાવે છે આ માટે તેમણે સરકારશ્રીનો પણ આભાર વ્યક્ત કર્યો હતો.

હોસ્પીટલમાંથી રજા આપ્યા બાદ તેઓને તેમની ઇચ્છા મુજબ તેમના પરીવારના બે સભ્યો શ્રી હર્ષદભાઇ તથા અભીગ્નાબેન કે જેઓ રાજકોટ અમદાવાદ હાઇવે પર આવેલ ત્રીમંદીર ખાતે ક્વોરોન્ટાઇન કરવામાં આવેલ છે ત્યાં જવાની વાત કરતાં સરકારી એમ્બ્યુલન્સમાં રાજકોટ મહાનગરપાલીકાના નાયબ આરોગ્ય અધિકારી ડો મનીષ ચુનારા અને આરોગ્ય અધિકારી ડો. નિશીતા સૌમૈયાના વડપણ હેઠળ ત્યાં પહોચાડવામાં આવેલ જ્યાં તેઓને પણ અલાયદો રુમ ફાળવી આપવામાં આવેલ. તેમનો પરીવાર લાંબા સમય પછી મળેલ હોઇ સહુ કોઇએ આનંદની લાગણી પ્રગટ કરેલ.
કેતન દવે