“ખેડૂતનો કોઠાર “એપ્લિકેશન બનાવનાર ખેડૂત પુત્રૌ નું ખોડલધામ ખાતે સન્માન કરાયું.

બગસરા તાલુકાના નાના એવા સમઢીયાળા ગામ ના ખેડૂત પુત્રોનું કાગવડ ખાતે સમસ્ત ડોબરિયા પરિવાર ગુજરાત તેમજ ખોડલઘામ દ્વારા જે ખેડૂતો પુત્રો એ ડિજિટલ સ્વરૂપ ખેતી આગળ વધે એ હેતૂ થી પ્લેટફોર્મ બનાવવાનો પ્રયત્ન કરેલ અને ખૂબ જ સારી સફળતા મેળવી

આ એપ્લિકેશન બનાવનાર બંને ખેડૂત પુત્રો પિયુષ રમેશભાઈ ડોબરીયા અને ભાર્ગવ ભાવેશભાઈ ડોબરીયા નૂ માં ખોડલના ધામમાં સન્માન પત્ર આપી અભિનંદન આપ્યા

આ પ્રસંગે પરીવાર નાઅગ્રણી ચંદુ ભાઈ ,હરેશ ભાઈ ,જેનીલભાઈ મુકેશભાઈરોનકભાઈ તેમજ ડોબરીયા પરિવાર ગૂજરાત ના અગ્રણીઓ હાજર રહ્યા હતા

તેમજ ખોડલધામ કમિટી અને ઘણા બધા ખેડૂત મિત્રો ઉપસ્થિત રહ્યા હતા આ એપ્લિકેશનથી ખેડૂતો એક ડિજિટલ ક્રાંતિ ની શરૂઆત કરશે ખેડૂતનો કોઠાર એપ્લિકેશન ડાઉનલોડ કરવા માટે પ્લે સ્ટોરની અંદર જઈ ડાઉનલોડ કરી શકાશે।

કોરોનાના કહેરથી દેશમાં મરતા લોકો વચ્ચે પ્રધાનમંત્રીને જન્મદિવસની શુભકામના પાઠવી કેવી રીતે ??

17 સપ્ટેમ્બર 2020ના દિવસે પ્રધાનમંત્રી નરેન્દ્ર મોદીનો 70 માં વર્ષમાં પ્રવેશ કર્યો છે. ત્યારે વડાપ્રધાન હંમેશા 70 વર્ષની ચર્ચા કરતા હોય છે કે 70 વર્ષમાં બીજી સરકારોએ શુ કર્યું ? પરંતુ છેલ્લા 70 વર્ષમાં અન્ય સરકાર ન કરી શકી તે સરકારે માત્ર 7 વર્ષ પૂર્ણ થાય તે પહેલાં મોદી સરકારે કરી બતાવ્યું.

નરેન્દ્ર મોદીએ દેશમાં સતા કઇ રીતે મેળવી અને કઈ રીતે પોતે કામગીરી કરી રહ્યા છે તે સૌ કોઈ જાણે છે. છેલ્લા 7 વર્ષમાં એટલે કે મોદી શાસનમાં સૌ કોઈને શિસ્તમાં એટલે કે લાઈનમાં ઉભા રહેતા શીખડાવી દીધું છે. મોદી સરકારે 2014માં સતા મેળવી દેશભરમાં પ્રથમ નિર્ણય કર્યો કે 2014નાં રોજ પ્રધાનમંત્રીએ ‘સ્વચ્છ ભારત અભિયાન’ શરૂ કર્યું હતું. અને દેશને સ્વચ્છ બનાવવા માટે સ્વચ્છતા અભિયાનમાં ફોટો પડાવવા માટે લાઈનોમાં લોકોને ઉભા રાખી દીધા. હજુ 7 વર્ષના સમયગાળામાં ગુજરાત મોડેલ સ્વચ્છ થઈ શક્યું નથી.

ત્યાર બાદ 8 નવેમ્બર 2016ના રોજ પ્રધાન મંત્રીએ ઐતિહાસિક નિર્ણય કર્યો અને નોટબંધી જાહેર કરી જેથી દેશની જનતા બેંકોની લાઈનોમાં ઉભા રહેવા માટે મજબૂર બની. 50 દિવસનો સમય માંગનારા વડાપ્રધાને દેશની જનતાને સમય ન આપ્યો અને ગરીબ અને મધ્યમ વર્ગના લોકો, ખેડૂત, વેપારીઓ, મહિલાઓ તમામને હેરાન-પરેશાન કરી નાખ્યા,

ત્યાર બાદ 1 જુલાઈ 2017ના રોજ દેશમાં GST લાગુ કર્યો અને વેપારી વર્ગને લાઈનમાં ઉભો રાખી દીધો. તેમજ GST લાગુ કર્યા બાદ વેપારીઓ કંગાળ બન્યા અને બેરોજગારીના દરોમાં પણ ઐતિહાસિક વધારો થયો. વેપારીઓ અને યુવાનો નિરાશામાં ડૂબ્યા, અને ઠેર ઠેર વેપારીઓનો માલ અટકી જતા વેપારીઓને અનેક મુશ્કેલીનો સામનો કરવો પડ્યો હતો…

મોદી સરકારના રાજમાં બેરોજદારી દર વધતા ઠેર ઠેર યુવાન પુરુષો અને મહિલાઓએ રોજગારી મેળવવા માટે ઠેર ઠેર નાના એવા ભરતીના આકડાઓમાં પણ લાંબી લાંબી લાઈનો લગાડી હતી. ત્યારે છેલ્લા 7 વર્ષમાં સૌથી વધુ બેરોજગારી પણ મોદી સરકારના રાજમાં દેખાઈ છે… 2017-18માં સાડા ત્રણ ગણાથી વધીને 17.4 ટકા સુધી બેરોજગારી પહોંચી ગઈ હતી. વર્ષ 2018માં દેશમાં 1.1 કરોડ લોકોએ પોતાની નોકરી ગૂમાવી દીધી હતી. અને ભારતમાં છેલ્લા 45 વર્ષમાં સૌથી વધુ બેરોજદારી દર પણ નોંધાયો હતો…

વર્ષ 2020માં મોદી સરકારે દેશના નાગરિકોના હિતમાં લોકડાઉન જાહેર કર્યું અને લોકોને શાકભાજી અને કારીયાણું લેવા માટે લાંબી લાઈનોમાં ઉભા રાખી દીધા . તેમજ ભારતભરના વ્યસનોએ પણ પોતાની વ્યસનની પ્યાસને બુજાવવા માટે ઠેર ઠેર લાંબી લાઈનોમાં ઉભા રાખી દીધા હતા. અને લોકડાઉનમાં ગરીબ અને મધ્યમ વર્ગના લોકોને રાશન આપવા માટે પણ સસ્તા અનાજની દુકાનદારો બહાર લાઈનો લગાડી દીધી હતી….

અને અંતે છેલ્લે લોકડાઉન પૂર્ણ થયું અને અનલોક જાહેર કરાતાની સાથે જ કોરોનાનો રાફડો ફાટ્યો, કોવિડ હોસ્પિટલોમાં દર્દીઓની લાઈનો લાગી. લોકોને લાઈનો લાગતા યોગ્ય સારવાર ન મળતા અનેક લોકો મોતને ભેટ્યા હતા. કોરોનાને કારણે અનેક લોકોના મોત થતા સ્મશાન ખાતે પણ લાઈનો લાગી છે અને મર્યા પછી પણ લાઈનો પૂર્ણ થતી નથી. ત્યારે એક બાજુ દેશમાં કોરોનાની મહામારી ચાલી રહી છે. લોકો પોતાના સ્વજનોને ગુમાવી રહ્યા છે ત્યારે વડાપ્રધાનને કઇ રીતે શુભેચ્છા પાઠવી શકું ? અને જો વડાપ્રધાન જન્મદિવસની શુભેચ્છાની આશા રાખી રહ્યા હોય અને તેમના પ્રશંસકો શુભેચ્છા પાઠવે તો તેનાથી વધારે શરમની વાત બીજી કોઈ હોઈ ન શકે….. ત્યારે હવે લોકોના મૃત્યુની પણ લાઈનો લાગી છે ત્યારે આગામી સમયમાં અન્ય લાઈનો ન લગાડે તેવી જ જન્મદિવસ નિમિત્તે આશા રાખીએ.

પડધરી પોલીસે 5 લાખથી પણ વધુ રકમનો વિદેશી દારૂ ઝડપી પાડીયો

રાજકોટના પડધરી તાલુકાના તડઘરી ગામે પોલીસને મોટી સફળતા મળી છે. ગુજરાતમાં દારૂ બંધી હોવા છતાં વારંવાર વિદેશી દારૂ પકડી પાડવામાં આવે છે. બૂટલેગરો વિદેશી દારૂ ગુજરાતમાં કઈ જગ્યાએથી લાવે છે એ મોટો પ્રશ્નાર્થચિન છે.

આજે પડધરીના PSI એમ.જે.પરમાર તેમજ સ્ટેશનના સ્ટાફના માણસો ખાનગી વાહનમાં પેટ્રોલીંગ કરી રહ્યાં હતા તે દરમ્યાન બાતમી મળતા તાત્કાલિક કાર્યવાહી કરી હતી. ત્યારે બાતમીના આધારે તરઘડી રાધે કાઠીયાવાડી હોટલ પાછળ કારખાના વિસ્તારમાં આરોપી કમલેશકુમાર ગુર્જરને ઝડપી પડ્યો હતો. કારખાનામાં ઇગ્લીશ દારૂનો જથ્થો વેચાણ માટે સંગ્રહ કરેલી જગ્યાએ રેઇડ કરતા કારખાનામાંથી ભારતીય બનાવટનો પર પ્રાતીય દારૂ સાથે ચાર આરોપી પકડી તમામ આરોપી વિરૂધ્ધ કાયદેસરની કાર્યવાહી હાથધરી છે.

કબજે કરેલ મુદ્દામાલ

( ૧ ) એપીસોડ વ્હીકચ્છી બોટલ નંગ -૧૪૭૬ કુલ કીમત રૂ .૫,૨૨,૯૦૦ /

( ૨ ) મેકડોવેલ્સ નં .૧ બોટલ નંગ- ૧૬૫ કિ.રૂ ૬૧,૮૭૫ /

કામગીરી કરનાર ટીમ પડધરી પો.સબ.ઇન્સ એમ.જે.પરમાર,  એ.એસ.આઇ ભગીરથસિહ જાડેજા, પો.હે.કો ધર્મેશભાઈ પરમાર, પો.હેડ કોન્સ . ફિરોજભાઇ દાદમહમદભાઇ,  પો.કોન્સ જયેન્દરસિંહ મહીપતસિંહ, પો.કોન્સ . પ્રભાતભાઇ મૈયડ, પો.કોન્સ . વશરામભાઇ સવસીભાઇ, પો.કોનસ . દશરથસિહ જાડેજા, પો.કોન્સ સજયભાઇ બાભવા અને પો.કોન્સ . સંજયસિંહ જાડેજા

પડધરી રિપોર્ટર જે. સી.ગોહિલ

નીરજ મુર્મુને બ્રિટનનો પ્રતિષ્ઠિત પ્રિન્સેસ ડાયના ઍવોર્ડ

  • 10 વર્ષની વયે બાળમજૂરીમાંથી મુક્ત કરાવાયેલાં નીરજે અનેક બાળકોનું જીવન બદલ્યું
  • કૈલાસ સત્યાર્થી ચિલ્ડ્રન્સ ફાઉન્ડેશન સંચાલિત બાલ મિત્ર ગામના પૂર્વ બાળમજૂર નીરજ મુર્મુને બ્રિટનનો પ્રતિષ્ઠિત પ્રિન્સેસ ડાયના એવોર્ડ એનાયત થયો છે.
  • જેમનું કાર અકસ્માતમાં અવસાન થયું હતું તે વેલ્સના રાજકુમારી ડાયનાની સ્મૃતિમાં યુકે સરકાર દર વર્ષે દુનિયાના ચુનંદા 25 લોકોને એવોર્ડ આપે છે.
  • બાળમજૂરીમાંથી મુક્ત થઈ પોતાના અને અન્ય બાળકોનાં જીવનમાં હકારાત્મક પરિવર્તન લાવવા અને તેને ટકાવી રાખવા બદલ નીરજ મુર્મુને 1 જુલાઈએ એક વર્ચ્યુઅલ સમારોહમાં 2020નો ડાયના એવોર્ડ એનાયત કરાયો હતો.
  • નીરજ મુર્મુ કૈલાસ સત્યાર્થી ચિલ્ડ્રન ફાઉન્ડેશન (કેએસસીએફ) સંચાલિત ગિરીડીહ જિલ્લાના દુલિયાકરમલ બાલ મિત્ર ગામના છે.
  • હાલ 21 વર્ષના નીરજને અગિયાર વર્ષ અગાઉ 10 વર્ષની ઉંમરે એસ્બેસ્ટોસની ખાણની મજૂરીમાંથી ઉગારવામાં આવ્યા હતા.
  • આ એવોર્ડ સમાજ પરિવર્તન માટે આગેવાની લેનારા અને તેમાં અસાધારણ યોગદાન આપનારા 9થી 25 વર્ષની વયના બાળકો અને યુવાનોને એનાયત કરાતો હોય છે.
  • નીરજ મુર્મુને આ એવોર્ડ ગરીબ અને પછાત બાળકોને શિક્ષણ આપવા બદલ અને એમનાં જીવનમાં બદલાવ લાવવા બદલ આપવામાં આવ્યો છે.
  • નીરજના પ્રમાણપત્રમાં ખાસ ઉલ્લેખ કરવામાં આવ્યો છે કે તેમણે નવી પેઢીને વિશ્વ બદલવાની દિશામાં પ્રેરણા આપી છે.
  • નીરજનો ભૂતકાળ અને કામગીરી
    ગરીબ આદિવાસી પરિવારના નીરજે 10 વર્ષની ઉંમરે પરિવારનું પોષણ કરવા એસ્બેસ્ટોસની ખીણમાં મજૂરી કરવાની શરૂઆત કરી હતી.

કૈલાશ સત્યાર્થી સ્થાપિત બચપન બચાવો આંદોલન (બીબીએ)ના કાર્યકરોએ તેમને મજૂરીથી મુક્ત કરાવ્યાં. બાળમજૂરીમાંથી છૂટ્યાં એ પછી એમની જિંદગી બદલાઈ. ગુલામીમાંથી મુક્ત થઈને, નીરજે સત્યાર્થી આંદોલન સાથે મળીને બાળમજૂરી સામે જાગૃતિ લાવવાનું શરૂ કર્યું. એમણે ખૂબ મહેનત કરી અભ્યાસ કર્યો અને એ સાથે અને લોકોને સમજાવી તેમના બાળકોને મજૂરીમાંથી છોડાવી શાળાઓમાં દાખલ કરાવવા લાગ્યા. ગ્રેજ્યુએશનની સાથે સાથે એમણે ગરીબ બાળકો માટે તેમના જ ગામમાં એક શાળાની પણ સ્થાપના કરી.

બાળમજૂરીના તેમના અનુભવથી, નીરજને સમજાયું કે તેમના જેવા ગરીબ અને આદિજાતિ બાળકોને શિક્ષણની સુવિધા ન આપવામાં આવે ત્યાં સુધી બાળમજૂરી અને બાળલગ્ન જેવી સામાજિક સમસ્યાઓ તેમનામાં દૂર થઈ શકશે નહીં.

આ શાળા થકી તેઓ 200 જેટલા બાળકોને શિક્ષણ આપી રહ્યા છે. નીરજે એમની જેમ જ એસ્બેસ્ટોસની ખાણમાં કામ કરનારા 20 બાળકોને પણ મુક્ત કરાવ્યાં છે.

ડાયના એવોર્ડ મળતાં ખુશીની વ્યક્ત કરતા નીરજ કહે છે, ‘આ એવોર્ડથી મારી જવાબદારી વધી છે. હું એવા બાળકોને શાળામાં પ્રવેશ મેળવવાની કામગીરીને વેગ આપીશ, જેમના અભ્યાસ વચ્ચે બંધ થઈ ગયો છે. સાથે હું બાલ મિત્ર ગામનાં બાળકોને શિક્ષિત કરવા પર ધ્યાન કેન્દ્રિત કરીશ. નીરજ કહે છે કે “નોબેલ શાંતિ પુરસ્કારથી સન્માનિત કૈલાશ સત્યાર્થી મારા આદર્શ છે અને તેમના વિચારોના પ્રકાશમાં હું બાળકોને શિક્ષિત અને સશક્ત કરવાની દિશામાં આગળ વધી રહ્યો છું.”

નીરજને ડાયના એવોર્ડ મળતાં, કેએસસીએફના એક્ઝિક્યુટિવ ડિરેક્ટર શ્રીમતી મલાથી નાગાસાયીએ પ્રતિક્રિયા આપતા કહ્યું, “અમને ગર્વ છે કે નીરજે પૂર્વ બાળમજૂરોમાં શિક્ષણને પ્રોત્સાહન આપવા મહત્તવની પહેલ કરી છે. તે અમારા બાલ મિત્ર ગામનાં બાળકો માટે એક રોલ મોડલ છે, જ્યાં દરેક બાળક પોતાની રીતે એક મજબૂત નેતા છે અને તેના હકની પ્રાપ્તિ સાથે તેના ગામના વિકાસ માટે તૈયાર છે અને સંઘર્ષ કરી રહ્યો છે.”

બાલ મિત્ર ગામ અને નીરજ

નીરજના વ્યક્તિત્વ વિકાસ અને સામાજિક પરિવર્તનમાં નોબલ શાંતિ પુરસ્કાર વિજેતા શ્રી કૈલાસ સત્યાર્થી અને તેમના દ્વારા સ્થાપિત સંગઠનની મહત્વપૂર્ણ ભૂમિકા છે. બાલ મિત્ર ગ્રામ એ બાળકો માટે સુખી અને મૈત્રીપૂર્ણ વિશ્વ નિર્માણ માટે શ્રી કૈલાસ સત્યાર્થીની પાયારૂપ પહેલ છે. દેશ અને દુનિયામાં આવા ગામો બનાવવામાં આવી રહ્યા છે.

બાલ મિત્ર ગ્રામનો અર્થ એ ગામો છે જેમાં 6થી 14 વર્ષની વયના તમામ બાળકો મજૂરીથી મુક્ત હોય અને શાળાએ જતાં હોય. ત્યાં એક પસંદ કરેલ બાલ પંચાયત હોય અને તે ગ્રામ પંચાયત સાથે સુસંગત હોય. આવા ગામોમાં બાળકોને ગુણવત્તાયુક્ત શિક્ષણની સાથે, તેમનામાં નેતૃત્વના ગુણો પણ વિકસિત થાય છે. ગામના બાળકો પંચાયતોની મદદથી બાળકોની સમસ્યાઓનું સમાધાન કરીને ગામના વિકાસમાં મદદ કરે છે.

નીરજનું ગામ પણ બાલ મિત્ર ગામ છે. 2013માં બાલ મિત્ર ગામના યુવા જૂથના સભ્ય તરીકે, તેમણે બાળમજૂરી નાબૂદ કરવા અને પછી તે બાળકોને શાળાઓમાં પ્રવેશ અપાવવાની દિશામાં કામ કરવાનું શરૂ કર્યું હતું. તેમના શાળાના દિવસો દરમિયાન, તે તામિલનાડુ ગયા અને પોતાના ગામથી મજૂરી કરવા માટે ગયેલા કેટલાંક બાળકોને પાછા લઈ આવ્યા અને તેમને શાળામાં પ્રવેશ અપાવ્યો.

નીરજ તેમના ગામની ઘણી સામાજિક-આર્થિક સમસ્યાઓના ઉકેલ માટે પણ કામ કરે છે. જેમ કે બાળલગ્ન અટકાવવા, હેન્ડપંપ લગાવવો, તેનું સમારકામ કરાવવું, ઘરોમાં વીજળીની સુવિધા ઉપલબ્ધ કરાવવી, સરકારી યોજનાઓ દ્વારા ગેસ કનેક્શનની સુવિધાઓ લોકોને અપાવવી વગેરે.

લોકોને શિક્ષણનું મહત્ત્વ સમજવા માટે તે રેલીઓ અને અન્ય ઝુંબેશનું પણ આયોજન કરે છે. પરિણામે સરકારી શાળાઓમાં બાળકોની નોંધણી વધી છે. નીરજ પાસેથી શિક્ષણ મેળવનારા બાળકો પણ જાગૃત થયા છે અને તેઓ તેમના ગામમાં સકારાત્મક પરિવર્તન લાવવાનો પ્રયાસ કરી રહ્યા છે. આ રીતે તેમણે સત્યાર્થી ચળવળની આગામી પેઢીને પણ તૈયાર કરી છે.

કૈલાસ સત્યાર્થી ચિલ્ડ્રન્સ ફાઉન્ડેશન વિશે.

‘કૈલાસ સત્યાર્થી ચિલ્ડ્રન્સ ફાઉન્ડેશન’ નોબેલ શાંતિ પુરસ્કાર સન્માનિત શ્રી કૈલાસ સત્યાર્થી દ્વારા સ્થાપિત કરવામાં આવ્યું છે, તે એક વૈશ્વિક સંસ્થા છે જે બાળકોના શોષણ અને હિંસા સામે કામ કરે છે. ફાઉન્ડેશન તેના કાર્યક્રમો જેવા કે, સીધી દરમિયાનગીરી, સંશોધન, ક્ષમતાવર્ધન, લોક જાગૃતિ અને વ્યવહાર પરિવર્તન દ્વારા બાળકો માટે યોગ્ય વિશ્વ નિર્માણ તરફ આગળ વધી રહ્યું છે. કૈલાશ સત્યાર્થીના કાર્યો અને અનુભવોએ હજારો બાળકો અને યુવાનોને ‘બાલ મિત્ર દુનિયા’ બનાવવાની પ્રેરણા આપી છે.

અનલોક રંગ સૃષ્ટિ ઈન્ટરનેશનલ થિયેટર ફેસ્ટિવલ 2020, જાણો આ ફેસ્ટિવલની અનોખી વાતો

આ ફેસ્ટિવલમાં ટોટલ 6 નાટકો સીલેક્ટ કર્યા છે. જેમાં બાંગ્લાદેશ, રાજસ્થાન, કલકત્તા, દિલ્હી, NSD અને ગુજરાતના નાટક છે. આખો ફેસ્ટિવલ ઓનલાઇન થશે અને સાથે પોતપોતાના ઘરે કે પર્સનલ સ્પેસ પર બેસીને લેપટોપ અથવા મોબાઈલ પર નાટક જોયા પછી જેતે નાટકના ડિરેક્ટર સાથે પ્રેક્ષકોની ઓનલાઇન માધ્યમથી ડિરેક્ટર્સ મીટનું આયોજન થશે.

(જુલાઈ મહિનાના શનિવાર અને રવિવારે નીચે પ્રમાણેના નાટકો બતાડવામાં આવશે)

બંગાળી, હિન્દી, ગુજરાતી અને નોન વરબલ કેટેગરીમાં નાટકો સટ્રીમીંગ થશે.

નાટકોના નામ,

1. બ્રાતો આમી મોંત્રોહીન – બંગાળી – યુસુફ હસન અર્કો (બાંગ્લાદેશ)

2. હા મેં તને ચાહી છે જિંદગી – ગુજરાતી – રાજુ બારોટ (NSD – ગુજરાત)

3. નિરંતર એકલવ્ય – હિન્દી – રાજકુમાર રજક –રાજસ્થાન

4. કોથાય ગાલો – બંગાળી – સુકમલ મૈત્રા – કોલકત્તા

5. ફૉસ્ટ – હિન્દી – સાન્તનું બોઝ – NSD દિલ્હી

6. રાવણના દસ માથા – નોન વરબલ – હર્ષલ વ્યાસ (ગુજરાત)

RangSrushti Theatre Festiva મો નંબર : 9898050212

વિશ્વ હિન્દુ પરિષદના પ્રખંડ અધ્યક્ષ લલિતભાઈ રાઠોડનો આજે જન્મદિન

રાજકોટ: રાજકોટના જનની એજ્યુકેશન એન્ડ ચેરીટેબલ ટ્રસ્ટના પ્રમુખ લાલિતભાઈ રાઠોડનો આજે જન્મદિવસ છે. તેમણે સેવામય જીવનના 37 વર્ષ પૂર્ણ કરી 38 માં વર્ષમાં મંગલ પ્રવેશ કર્યો છે. તેઓએ સેવાકીય સંસ્થા થકી યુવાવસ્થામાં અનેક સેવાકાર્યો કર્યા છે. ભારતીય સંસ્કારોને વળગી રહેલા લલિતભાઈ દ્વારા 1000 સગર્ભા બહેનોને ગર્ભ સંસ્કાર યોજના હેઠળ રામચરિત માનસનું વિતરણ કરાયું હતું.

ઉપરાંત સર્વ જ્ઞાતિ સમૂહ લગ્નનું ભવ્ય આયોજન કરી ગરીબ પરિવારની દીકરીઓના માતા પિતાના આશીર્વાદ મેળવ્યા. અને દરેક સમાજના દિલમાં સ્થાન મેળવ્યું. હાલ તેઓ વિશ્વ હિન્દુ પરિષદના વોર્ડ નં.12 ના પ્રખંડ અધ્યક્ષ અને રાજકોટ ઋષિવંશી સમાજના સંગઠન મંત્રી તરીકે નિઃસ્વાર્થ સેવા આપી રહ્યા છે. દરેક વર્ગના લોકોના નાના મોટા કામમાં હમેંશા આગળ રહેતા લાલિતભાઈને જન્મદિવસે મિત્ર વર્તુળ, સગા સ્નેહીઓ, વડીલો, દરેક ક્ષેત્રના આગેવાનો મો.નં. 9898907410 ઉપર શુભેચ્છા પાઠવી રહ્યા છે.

જામનગરમાં વધતું કોરોનાનુ સંક્રમણ ચિંતાનો વિષય

દેશમાં કોરોનાના કેસમાં વધારો થઈ રહ્યો છે ત્યારે જામનગરમાં કોરોનાના ઢગલા બંધ કેસ વધી રહ્યા છે. છેલ્લા ઘણા દિવસોથી કોરોનાનાં વધતા સંક્રમણનાં કારણે જામનગર જીલ્લા વહિવટ તંત્ર અને જામનગર મનપાની ઉંધ ઉડી ગઇ છે. ત્યારે વધુ 2 કોરોના પોઝિટિવ કેસનો વધારો થયો છે.

નવા કોરોનાના કેસ જામનગરની સાધના કોલોની ખાતે રહેતા એક પુરૂષને અને કુંભારવાડા વિસ્તારમાં રહેતી એક મહિલાને કોરોના પોઝિટિવ આપતા ફરી કોરોનાએ જામનગર તંત્રની ચિંતામાં વઘારો કર્યો છે.

જામનગરમાં કોરોનાના વધતા સંક્રમણના કારમે અમુક વિસ્તારોમાં ફરી લોકડાઉનની સ્થિતિ લોકો દ્વારા સ્વયંભૂ રીતે જ અમલી કરવામાં આવી રહી છે. તેમજ જામનગર વહિવટ તંત્ર દ્વારા લોકોના કામ સીવાઈ બહાર ન નિકળવા અપીલ કરવામાં આવી રહી છે. પરંતુ શહેરમાં લોકો કોરોના સામેની લડાઇમાં બેજવાબદારી સાથેનું વર્તન કરતા પણ નજરે પડે છે.

હાલ પણ દેશ – દુનિયામાં કોરોનાનો જપેટમાં છે. કોરોનાને સહેલાઈ થી લઈ શકાઈ તેમ નથી. પોતાની અને પાતાના પરીવારના સ્વાસ્થ્યની રક્ષા કાળજી લઇને રાખો, કોરોના માર્ગદર્શીકાનુ પાલન કરો અને કોરોનાને માત આપો આજ રસ્તો છે કોરોના સામેની લડાઇ જીતવાનો

હવામાન શાસ્ત્રી અંબાલાલ પટેલે કરી મોટી આગાહી, ગુજરાત પર આવી રહ્યુ છે આ સંકટ

હાલ ભારત સહિત સમગ્ર વિશ્વમાં અલગ અલગ પ્રકારના સંકટો આવી રહ્યા છે. હાલ સમગ્ર વિશ્વ કોરોનાના ભરડામાં છે. આ સમયે રાજ્યમાં હવામાન શાસ્ત્રી અંબાલાલ પટેલે મોટી આગાહી કરી છે.

હવામાન શાસ્ત્રી અંબાલાલ પટેલે જણાવ્યા અનુસાર 27થી 31મે સુધી ઉત્તર ગુજરાત અને કચ્છમાં વંટોળની સ્થિતી રહેશે. તેમજ 1જૂન થી 7 જૂન સુધી અરબી સમુદ્રમાં વાવાઝોડું સક્રિય થવાની સંભાવના છે. ત્યારે 7 જૂને દરિયો તોફાની બનવાની શક્યતા છે. તેમજ 13થી 15 જૂન દરમિયાન દરિયા કિનારાના વિસ્તારોમાં વરસાદ આવવાની શક્યતા છે.  

હવામાન શાસ્ત્રી અંબાલાલ પટેલે જણવ્યા અનુસાર 27થી 31મે વચ્ચે રાજ્યના કેટલાંક વિસ્તારોમાં ધૂળની ડમરીઓ ઉડવાની શક્યતા છે. તો ઉ.ગુજરાત, કચ્છના કેટલાક ભાગમાં વંટોળ આવશે. આ વાવાઝોડું 25થી 30 કિમીની ઝડપે પવન ફૂંકાશે.

હવામાન શાસ્ત્રી અંબાલાલ પટેલે વધુમાં જણાવ્યુ છે કે, આવનાર સમયમાં અરબી સમુદ્રમાં દક્ષિણ-પૂર્વમાં સાઇક્લોનિક સર્ક્યુલેશનના પગલે લો પ્રેશર સર્જાઇ શકે છે. જેથી દેશના પૂર્વિય કાંઠે ખાસ કરીને ગુજરાત અને મહારાષ્ટ્રમાં જૂનના શરૂઆતથી ભારે વરસાદ પડી શકે છે

ભારતીય વાયુસેનાની તાકાતમાં થયો વધારો, વાયુસેનાના એર ચીફ માર્શલ ભદૌરીયાએ તેજસની ઉડાન ભરી, બીજી સ્કવાડ્રનનો થયો સમાવેશ

• તેજસ વિમાનની બીજી સ્ક્વોડ્રન વાયુસેનામાં શામેલ કરાઈ
• આ સ્ક્વોડ્રોનને વર્ષ 2016માં હટાવવામાં આવી હતી

આજે આ કાર્યક્રમનું આયોજન તામિલનાડુના કોયમ્બતૂરની પાસે આવેલ સુલૂર એરફોર્સ સ્ટેશન પર કરવામાં આવ્યું. વાયુસેનાના પ્રમુખ એર ચીફ માર્શલ RKS ભદૌરીયાએ આજે વાયુસેનાની નંબર 18 સ્ક્વોડ્રોન ફ્લાઇંગ બુલેટની ઉડાન ભરી. આ સ્ક્વોડ્રોન એલસીએ તેજસ એફઓએસ વિમાનથી સજ્જ છે અને એલસીએ તેજસને ઉડાન કરનારો બીજી સ્ક્વોડ્રન બની છે. જે એક ભારતીય માટે ગર્વ લેવાની વાત છે.


પાકિસ્તાન સામેના 1971ના યુદ્ધમાં 18મા સ્ક્વોડ્રોનની મહત્વની ભૂમિકા ભજવી હતી. ત્યારે
તેજસથી સજ્જ બીજી સ્ક્વોડ્રોન અને એરફોર્સની 18મી સ્ક્વોડ્રોન 1965માં સ્થાપિત થઈ હતી. 15 એપ્રિલ 2016ના રોજ સ્કવોડ્રોનને હટાવવામાં આવ્યો હતો. આ પહેલા તેમાં મિગ -27 વિમાન શામેલ હતું.